Umapila si Kalibo SB Member Gus Tolentino sa DSWD6 dahil sa delayed pension it mga senior citizen sa banwa’t Kalibo.
Suno kay Tolentino, may mga kabanwahunan sa probinsya’t Aklan nga releasan eon it pension pwera eamang sa nasambit nga banwa rason it anang apilasyon bilang paghimo it anang responsibilidad.
Nag psalig man ru DSWD6 nga mataw-an it madasig nga action.
Samtang sa pihak nga bahin, gin kalipay man it nasambit nga SB Member nga may maga-abot nga Johnson and Johnson vaccine para sa mga Kalibonhon bilang sabat sa anang hinyo sa gobyerno.
Kun matandaan, nagpadaea si Tolentino it SB approved resolution 2020-765 nga naga hinyo kay Sec Carlito Galvez it National Task Force on COVID-19 nga dugang nga supply it bakuna sa mga Aklanon.//MARIVIC Y. ILIN
