Sa pihak it pag-uean kainang agahun, nagpadayun gihapon ro Fun Run ag Zumba Dance Activity sa Kalibo Pastrana Park, Poblacion, Kalibo.
Ro nasambit nga aktibidad hay pinaagi it inisyatibo it Municipal Advisory Group for Police Transformation and Development of Kalibo MPS (MAG-PTD).
Ginpangunahan ro nasambit nga event nanday PLT ABDON DE MATEO, DCOPA, PLT AUBREY R AYON, DCOPO ag PLT JOHNSON GALINDEZ, Chief Investigation Officer it Kalibo MPS ag gin-intrahan man it nagkasari-sari nga stakeholders.
Kaparte gihapon ro nasambit nga aktibidad sa 27th Police Community Relations Month Celebration July 2022 nga may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Gintao ro cash rewards ag Certificate of Appreciation sa pilang participants nga sumuporta sa event. / ANN DESLENE SALAZAR
