Gindayaw ni Major General Benedict M Arevalo, 3rd Infantry (Spearhead) Division Commander it Philippine Army, ro 61st Infantry (Hunter) Battalion Troops sa pagka-kutkot sa bangkay it ginasugid nga rebeldeng NPA sa Barangay Bucari, Leon, Iloilo.
Owa it eabot sa pagka-kutkot sa bangkay it rebelde, narekober man ro pilang mga gamit pang giyera ku Hulyo 9, 2022.
Insigida nga gin-aksyunan it tropa it 61IB ro impormasyong gintao ni Alyas Toto, dating Vice CO it Sibat Platoon, Southern Front, Komiteng Rehiyon – Panay, sa lokasyon it bangkay it teroristang NPA Terrorist.
Imaw hay nagsurender ku Enero 5, 2022.
Ginkilaea ni alyas Toto ro bangkay nga si Glezer Hembra Alyas Karl/Bonet/RamRam, Squad Member it Squad 3, Suyak Platoon, Southern Front, Kometing Rehiyon-Panay, nga namatay bangud sa nervous breakdown ag mataas nga eagnat.
Gin-eubong eagi segun raya it anang mga kaibahan ku 2021.
Nakarekober man ro tropa it sangka 30 rounds M16 Rifle magazine, 15 cartridges it 5.56mm Ball, tatlong backpacks, sangka sling bag, daywa ka charger it radyo, sangka soldering iron, pitong rolyo it electrical wires, 12 electrical sockets, sangka bundle it surgical gloves, tatlong plaster tapes ag 50 pieces intravenous cannulas. / ANN DESLENE SALAZAR
