Gintao ni Kalibo Mayor Juris Sucro ro anang pinaka unang sweldu bilang alkalde sa LGU bilang dugang nga pondo para sa mga aktibidad it Kalibo Sto. Niño Ati-atihan Festival 2023.
Ro alkalde hay isaea man nga deboto ni Senior Santo Niño de Kalibo ngani gin-donar segun kara ro anang unang sweldu.
Suno sa alkalde, importanteng taw-an it atensyon ro selebrasyon it Sto. Niño bangud kabahin eon raya it kabuhi it mga Kalibonhon.
Samtang, nagapadayun man ro pagpahaum it LGU Kalibo sa nagahilapit nga Opening Salvo it nasambit nga Festival sa Oktubre 8. / ANN DESLENE SALAZAR
