Prayoridad makarun it lokal nga gobyerno it Makato nga mapaumwad ro lokal nga ekonomiya pinaagi it pagpabaskug it Turismo sa nasambit nga banwa.
Bangud kara, sangka pueong ro ginpatigayun it pamunuan it LGU Makato para sa pagpahaum sa nakataeana nga pag abot it halin sa taeatapan it Provincial Tourism Office.
Pila sa mga napiling pagaagtunan hay ro mga masunod; ro Parish of the Most Holy Name of Jesus bilang ” Religious”, “Cultural” ag “Heritage Landmark” sa Poblacion, Makato, Awayon Hills nga manami para sa “Biking Trail” sa Cabatanga, Buolevard Sunset sa Sitio Hagachac, Baybay, Makato, Baybay Beach sa Baybay, Makato, Chole bilang “Inland” ag “Mountain Resort” sa Agbalogo, kung siin makita ro “panoramic view” it banwang Makato, Numancia, Kalibo ag Sibuyan Sea.
Pagaagtunan man ro Ing-ing Falls sa Bagong Barrio ag Salimuno Falls sa Libang, Makato. / ANN DESLENE SALAZAR
