Naninahan ro sangka 21yo nga eaeaki matapos raya nga mabun-an sa may Brgy. Linabuan Sur, Banga, Aklan kabii.
Ginkilaea ro biktimang si James Ryan Reñas it Brgy. Linabuan Norte, Kalibo, Aklan nga nag angkon it pagbuno sa waea nga dughan.
Nasayuran nga samtang nagabaktas ro biktima ag ibang kaibahan kara paagto sa sangka namatyan hay may naagyan sanda nga mga naga istambay ag ginsita segun sanda ku mga raya.
Ginbalewala segun nanda raya ag nagpadayun sa pagbaktas pero sinundan sanda ag uman nga ginsita hasta sa nakaangkon sanda it diskusyon nga nagresulta sa pagkabuno sa biktima.
Ginkilaea man ro suspek nga si John Lloyd Torres nga taga Brgy. Linabuan Sur, Banga, Aklan ag padayun pa makarun nga ginausoy it mga pulis, samtang ro biktima hay naka confine sa ospital. / ANN DESLENE SALAZAR
