Gin-engganyo makarun ni Kalibo Bishop Jose Corazon Tala-oc ro mga tawo nga mas pabaskugon ro andang pagtuo sa Diyos sa selebrasyon ni kapiestahan ni Señor Sto. Niño de Kalibo.
Ginpahayag pa it Obispo nga ro mga parokyano ag mga deboto hay gina-engganyo nga mag umpisa sa sangka journey it pagbag o sa andang pagtuo ag pagpalangga sa Diyos.
Suno pa kay Bishop Talao-oc, ro nagadaea sa tawo hay ro andang pagtuo sa Diyos.
Ro pagtuo hay ro pagiging sigurado sa mga butang bisan owa pa nakikita ag kunta hay ro religiosity ro mangibaw ag pagpabaskug it atong relasyon sa Sto. Nino.
Uman nga ginpadumdom ni Bishop Talaoc sa mga parokyano nga mag pokus sa espiritwal imbes sa mga aktibidad nga owa it kaangtanan sa pagtuo.
Ro mismong kapiestahan it Señor Sto. Niño de Kalibo Ati-Atihan Festival 2024 hay sa January 21, 2024. // ANN DESLENE SALAZAR
