NAGPAHINUMDOM ang Assistant Regional Director sa Comelec Region 12 kabahin sa pagsugod na sa kampanya sa nasudnong mga kandidato kalabot sa mga regulasyon alayon sa Omnibus Election Code unya sa minimum standard sa health protocol gumikan sa pandemya.
Sa pahayag ni Atty. Jose Villanueva nga dapat adunay clearance, adunay form nga i-fillup sa mga kandidato unya isulat ang dagan ug schedule sa ilang aktibidad sa kampanya, ang nasudnong kandidato nga moadto sa mga probinsya mo-apply sa Regional Office unya mukuha og permit sa mga LGU nga venue sa rally.
Gikumperma usab ni Villanueva nga adunay permit ang usa ka rally nga gipahigayon sa Oval plaza milabay nga gabei kay nagsugod na ang kampanya sa national candidates Pebrero 8, 2022.
Samtang may kalabotan sa mga Barangay Officials nga naga-apil sa mga campaign activities ginabawal daw kini kay non partisan ang taga barangay, apan ang mga tanod mamahimong o Barangay Police Action Team kon BPAT mamahimong makabantay sa mga venue sa rally aron motabang sa pagpatuman sa health protocol.
Gi-angkon usab ni Villanueva nga sa pagkatinuod lisod bantayan ang venue capacity ug lisod daw i-determine ang pipila ka violations kay sa kamatuoran ang mga opisyal sa barangay aduna gayod kaalyado nga mga politiko o mga partido. I Ver Diazon
