UYON si Brgy.Lagao Kagawad Mike Tanzo nga magpahigayon og COVID-19 summit sa GenSan nga giduso sa Philippine Medical Society o PMA-GenSan chapter.
Segun ni Tanzo nga maayo nga mahisgutan unsa ang sitwasyon sa COVID-19 sa GenSan sa matag karon ug unya ug aron mapahibalo sa tanan ang angayang buhaton tungod kung dili magtinabangay, posibleng mudugay ang kasulbaran sa sakit.
Dili matud pa ikalimod nga padayun ang pagtaas sa kaso sa COVID-19 hinungdan ginaawhag ang tanan nga himuon ang ilang papel sa pagpakgang sa virus.
Kinahanglan matud pa nga sundon lang ang mga health protocols ug ipatuman kini sa hingpit aron makunhuran ang kaso sa COVID-19 tungod halos punuan na ang mga ospital. Sa extended nga GCQ sa GenSan, aminado kini nga apektado ang mga gitawag nga masa mao nga mas maayong mutuman na lang sa mga patakaran aron dili na mudugay pa ang problema sa COVID-19.
