“Pray hard and pray even harder.” Ang plan B ug plan C ni Dr. Fidel Peñamante, presidente sa Philippine Medical Society GenSan chapter sa pagbasura sa sogyot nga 14 day hard lockdown sa syudad tungod sa nagkataas nga kaso sa COVID-19.
Segun ni Peñamante, nga girespeto niini ang desisyon sa mayor, ug nanghinaut nga unta mapatuman pa ang mas istriktong community classification tungod nabakaka na sa pagtaas sa moderate to severe cases sa COVID-19 hinungdan kulangon na unya ang mga kagamitan sama sa oxygen, ventilator.
Awhag na lamang niini nga ipadayun sa mga katawhan ang pagtuman sa non pharmaceutical interventions sama sa pagsuot og face mask, social distancing , no mass gathering ug pagtug-an sa tinuod nga gipamati sa lawas aron gilayun nga mahatag ang igong medical interventions.
Sa karon, tungod wala giuyonan sa mayor ang sogyot nga 14 days hard lockdown, ginaawhag na lamang ni Peñamante nga ubanan siya sa pag-ampo nga dili mosaka ang kaso sa COVID-19 sa GenSan, tungod halos punuan na ang mga ospital ug bisan sa silingang mga lugar, sila usab didto naglisod maka-akomodar ang ilang mga pasyente .
Hinuon, mapasalamaton kini nga gisuportahan ang hangyo nga pagpahigayon og COVID-19 summit tungod kini ang sa tan-aw nila sa medical society nga makatabang aron mapahapsay ug mapalambo ang control and prevention sa maong sakit.
