GIHULAT na lang karon ni Kagawad Franklin Gacal Jr. ang mga kinahanglang dokumento aron pormal nga iduso ang kaso batok kang Celso Mendoza ug kang Mayor Ronnel Rivera.
Kini ang gikumpirma ni Gacal human nasayran nga gituboy pagbalik sa mayor si Mendoza isip labaw sa Office of Senior Citizens Affairs o OSCA GenSan, epektibo Enero 3 ning tuiga.
Segun ni Gacal, nagsulat na siya sa opisina sa mayor aron mangayo og kopya sa appointment ug sa higayong mahuptan ang maong dokumento, diha pa muduso og kaso.
Samtang gidugang sa konsehal nga apil niining kasohan kung may ebidensya nga mahuptan.
Una na usab nagbahad si Gacal nga muduso og kaso sa uban pang iregularidad sa LGU-GenSan sama sa mga bayrunon sa hotel nga gigamit isip quarantine facilities.
