MAGPADAYUN ang programa sa KaBrigadahan GenSan bisan sa panahon sa local campaign karong Marso 25.
Kini ang gibutyag ni Brigada Elmer V.Catulpos, human temporaryong gitugyan ang pag-host sa programa sa anak niining si Brigada Ymeir Shann Catulpos ug Brigada Dave Amor.
Mulongtad ang pag-host nilang Brigada Ymier Shann ug Brigada Dave og pito ka Sabado ug mahuman ang eleksyon, balik na usab si Brigada Elmer.
Gipasalamatan sa Ama ng Brigada ang mga miyembro sa KaBrigadahan GenSan nga nakauban sa programa ug sa pag-adto sa mga barangay nga nakakahimamat ug nasayran ang ilang mga yangongo, sentimento, mga problema ug uban pa apil na sa ilang kalipay ug katawa.
Segun ni Brigada Elmer, sobra tuig na nga nakauban ang mga miyembro ug mobalik sila paghuman sa eleksyon aron ipadayun ang pagpaminaw sa mga problema sa mga miyembro ug aron makatabang sa nanginahanglan.
Samtang giangkon ni Brigada Ymeir Shann Catulpos, nga excited na siya nga mag-host sa KaBrigadahan ug nagkanayun nga dakong tabang gayud ang KaBrigadahan GenSan sa mga nagkinahanglan nga miyembro .
