NEGROS OCCIDENTAL, Philippines — Gina-kundinar sang Kabataan Partylist ang gina-alegar pag pang-atake kay Florence Guzon, isa ka estudyante kag secretary general sang KPL-Negros.
Gina-alegar sang Abril 25, gin-kadtuan sang mga katapo sang militar ang balay ni Guzon sa syudad sang Talisay agud mag kuha sang impormasyon nahanungod sa gina-kadtuan kag gina-ubra sang estudyante.
Ginapatihan sang grupo nga sa pagbisita sang mga gina-alegar militar sa puluy-an ni Guzon, may nakita ini nga mga sulat kag libro nga gina-alegar ginagamit sang militar agud e-angot ang estudyante nga may yara ini koneksyon sa NPA.
Pahayag pa sang grupo nga si Guzon ang isa ka dedikado nga student leader kag journalist sang Carlos Hilado Memorial State College, nga may adbokasiya para sa academic freedom, SOGIE bill, kag social justice.
Nagapanawagan man ang KPL-Negros nga padayunon ang mga maayo nga adbokasiya para sa katawhan apisar sa mga gina-alegar pag pang-atake, lakip na ang pag surveillance sa mga progressibo nga mga indibidwal parihas kay Guzon.*