Gipa-aktibo na ang joint security command center gikan sa regional, provincial ug municipal level isip kabahin sa implementasyon sa pagsugod na sa election period karong Enero 9 ning tuig 2022.
Gibutyag ni Misamis Oriental Provincial Election Supervisor Atty. Carlito Ravelo nga ning semana ilusad ang regional command conference.
Lakip sa panagtigom ang Commission on Elections, Philippine National Police ug Armed Forces of the Philippines ug uban pang stakeholders.
Ang mga nahisgtan mao ang mo-man sa nagkadaiyang Comelec checkpoint alang sa pagpatuman mga gabayan dungan sa pagsugod sa election period ug gun ban sa pagsiguro nasab nga mapabilin ang seguridad sa rehiyon. Kalakip sab niini ang Department of Justice nga dunay dakong kabahin alang nasab sa hisgutanang prosecution ngadto sa makalapas sa balaod.
