Mukabat sa kapin 1-million pesos sa gituohang shabu ang nakumpiska sa mga otoridad atoll sa gipahigayong drug buy bust operation diha Purok-8, Barangay Poblacion, Valencia City, Bukidnon.
Sa pagpanguna ni PLT JONEL G ANTIQUE sa Valencia City Police Station inubanan PIU-BUK, 1003rd RMFB 10, RSOU 10 ug PDEA, malampusong nasikop ang mga suspek nga sila; Jonathan Ian Agdon, 25-anyos, ulitawo, residente sa Purok-5, Patag, Bagontaas, Valencia City, ug Raul Loregas, 37-anyos, ulitawo, residente sa Purok-1, Laligan, Valencia City, Bukidnon, kinsa polos nga newly identified drug personalities.
Subay sa report, gikabutyag nga mikagat sa gikasa nga drug buy bust ang mga suspek gamit ang 1000 pesos.
Nakumpiska atoll sa operation ang gagmay ug dagko nga penakete sa gituohang shabu nga gibanabanang motimbang sa 156 gramos nga adunay estimated street value nga Php 1,060,800.00.
Lakip narekober sa operation ang 16 ka tinag 1000 nga budol money nga gigamit sa transaksiyon.
Kasong paglapas sa R.A. 9165 kon comprehensive dangerous drugs act of 2002 ang atubangon sa mga suspetsado kinsa detenado na sa nasampit nga buhatan. END (REYMOND BALBERO)
