Gipaniguro na sa otoridad ang seguridad atol sa kapistahan sa Itom nga Nazareno karong umaabot nga Enero 9 ning tuiga 2022.
Gibutyag ni Cagayan de Oro City Police Spokesperson Police Major Evan Viñas nga han-ay na ang ilang security gawas lamang sa himuon pa nga mga adjustment.
Kalakip sa plano ang pagdugang pwersa sa kadalanan aron mapakusgan ang police visibility ingon man ang plano nga signal shutdown panahon sa aktibidad nga himuon sa kapistahan.
Kaabag sa pagpatuman sa COCPO ang Police Regional Office 10, Task Force Oro sa 4th Infantry Division Philippine Army ug ubang law enforcement unit.
Hinuon sa pagkakaron, giklaro sa otoridad nga walay konkreto nga bahad sa seguridad sa mga gilauman nga kalihukan dinhe sa syudad. Kahibaloan nga una nang gikompirma nga sa kapistahan sa Itom nga Nazareno wala una’y traslacion nga na-andan kaniadto sa wala pa’y pandemya gawas lamang sa himuon nga motorcada diin ilibot ang imahen sa Itom nga Nazareno sa mga nag-unang kadalanan dinhe sa Cagayan de Oro.
