KALIBO, AKLAN—Preparado eon do isla it Boracay nga magbaton it uman it mga lokal nga turista.
Raya hay matapos i-anunsyo it National Inter-Agency Task Force do mas manaba nga quarantine classification it probinsya it Aklan maghalin sa Modified Enhanced Community Quarantine paadto sa General Community Quarantine umpisa Setyembre 8 hasta 30, 2021.
Kaangot kara, ginpaabot it Provincial Government Aklan nga owa man gihapon it pagbag-o sa mga naunang entry requirements kung siin kaeakip kara do pag-require it negatibong resulta it RT-PCR test para sa mga turistang gustong magbakasyon sa Boracay. //
Nauna eon nga ginpahayag it LGU Malay nga mabahoe nga bulig do pagnaba it quarantine status it Aklan agud nga do mga establishemento sa isla hay amat-amat nga makabawi sa andang lugi umpisa kat nagpanaeasa do pandemiya. // SHERRY ANNE REUNIR-VIDAL
