Arestado ng mga pulis ang isang caretaker sa drug buy-bust operation sa bayan ng Brooke’s Point.
Sa pangunguna ni PCPT. Sir Dhayrius Redondo, naaresto ang suspek kaninang umaga sa bahagi ng Sitio Buligay, Barangay Poblacion District 1.
Base sa ulat ng pulisya, ang suspek na kilala sa alias na Fide ay isang 53-anyos na may asawa at residente ng nasabing barangay.
Nakumpiska mula sa kanya ang dalawang sachet ng pinaghihinalaang shabu, kasama na ang binili sa kanya ng nagpanggap na pusher-buyer, at isang libong piso na mark money.
Gayunpaman, itinatanggi ng suspek ang mga nakumpiskang ebidensya laban sa kanya.
Subalit, posibleng humarap siya sa kasong paglabag sa Republic Act 9165 o Comprehensive Dangerous Drug Act of 2002.
