Isang bulaklak ang napatubo ng mga scientist sa International Space Station (ISS).
Sa isang post, ibinahagi ng NASA ang imahe ng flower zinnia na may light-orange petals.
“This zinnia was grown in orbit as part of the veggie facility aboard the ISS,” ayon sa NASA.
Ayon sa ahensiya, noong 1970s pa pinag-aaralan ng mga siyentista ang mga halaman sa space ngunit ang eksperimentong ito ay nasimulan lang sa ISS noong 2015 ng NASA astronaut na si Kjell Lindgren.
Bahagi rin ito ng mas malalim na pag-aaral kung paano pa mabubuhay ang iba pang crops na maaaring pagkunan ng mga pagkain sa mga gaganaping mission sa buwan, Mars, at sa iba pang bahagi ng kalawakan.//CA
