Isang drug lord umano ang nagpasabi kay Sen. Bato Dela Rosa na gustong humarap sa imbestigasyon ng senado.
Sabi ni Dela Rosa, Mike Sy ang pangalan ng drug lord na gusto umanong linawin ang kanyang pangalan na hindi siya ang number 1 Chinese shabu personality sa bansa dahil may mas mabigat pa umano sa kaniya.
Pumayag ang senador na humarap si Mike Sy dahil nais niyang malaman dito ang mga pulis na handler at protector nito pero hindi na ma-contact ang phone number nito.
Sabi ng senador, sakaling kumontak muli, ay muli niyang bubuksan ang isinara niyang pagdinig ukol sa halos isang toneladang shabu na nagkakahalaga ng 6.7 bilyon kung saan nagkaroon umano ng attempted cover up dito.//CA
