Ikinulong ng German police ang isang Iranian national dahil sa planong terror attack.
Sinabi ng pulisya na ang 32-taong-gulang na lalaki ay pinaniniwalaang nakakuha ng toxins cyanide at ricin bilang paghahanda sa isang “Islamist-motivated attack.”
Napigil ang suspek kasunod ng imbestigasyon ng North Rhine-Westphalia Central Office for the Prosecution of Terrorism.
Nakuha ng pulisya ang mga materyales sa ginawang search sa tahanan ng suspek sa lungsod ng Castrop-Rauxel.
May isa pang indibidwal ang hawak ngayon ng pulisya at patuloy na iniimbestigahan.//CA
