Nagpanawagan si Police Colonel Gilbert Gorero, direktor it Iloilo Police Provincial Office, sa mga ninahan nga miyembro it New People’s Army (NPA) nga magpanaog agud mataw-an it nakaigo nga pagbueong sa mga ospital.
Kasunod raya sa opensiba it militar ku Miyerkules kuntra sa mga rebelde sa Barangay Alimodias, Miag-ao, Iloilo.
Matandaan nga disi-sais nga rebelde ro napatay sa nasambitan nga engkwentro.
Dugang pa ni Gorero, buligan it gobyerno ro mga naninahan ag pagataw-an sanda it pangabuhi-an.
Sa pihak nga bahin, nagapati man si Major General Benedict Arevalo, commander it 3rd Infantry (Spearhead) Division, nga kaeakip so mga namatay hay mga mataas nga opisyal it NPA-Panay.
Ginpahayag man nana nga ro mga rebeldeng grupo sa Western Visayas hay ma-neutralize bago matapos ro presente nga administrasyon./JIL B. LACSON
