Nikunhod ug 29.63% ang rehistradong puhunan sa Davao Region sa tuig 2021 nga anaa na lang sa 3.49 billion pesos itandi sa 4.96 billion pesos niadtong 2020.
Sumala ni NEDA-Davao Director Maria Lourdes Lim nga resulta kini sa kakulangon sa puhunan sa nag unang mga sector sa Dvo Region.
Gikabutyag nga walay naaprubahang proyekto nga natala sa milabayng tuig sa natad sa real estate, manufacturing, administrative and support service activities, electricity, gas, steam, air-conditioning supply; agriculture, forestry ug fishing .
Una nang gilauman nga mokunhod ang resulta sa pamuhunan sa rehiyon dungan sa pandemic.
Apan pOsitibo ang panglantaw sa kagamhanan nga makabawi ra ang rehiyon.
Usa sa mga istratihiya aron maka recover sa nahagsang ekonomiya sa rehiyon ang mga paagi sa Regional Task Force Against covid 19 sama sa pagpatuman sa minimum public health standards ug granular lockdowns.BNFM-DAVAO
