Misaka pa sa 541 ang kinatibuk-ang ihap sa mga residente sa Barangay Santiago Caraga Davao Oriental ang apektado sa cholera outbreak.
Subay sa datus gikan kang Dr. Chris Anthony Limen, Municipal Health Officer sa Caraga, moabot sa 234 ang naadmit sa maskeshift hospital sa evacuation center apan 171 niini ang na-discharged ug 50 na lamang ang nagpabiling giatiman.
Samtang anaa na lang sa walo ka pasyente gikan sa kinatibuk-ang 56 nga dunay mild to severe dehydration ang nakaadmit karong panahona sa Davao Oriental Provincial Medical Center ug Provincial Hospital.
Hinoon walay nay pasyente ang nakutluan sa kinabuhi human sa unom ka residente nga namatay tungod sa maong sakit.
