GIHINGUSGAN sa opisyal sa kapulisan nga mas daghan ang maayong sakop sa organisasyon tandi sa badlongon, kini ang gibutyag dungan sa pagsaulog sa ika-122nd Police service anniversary.
Padayon ang gihimong internal cleansing sa hut-ong dungan sa pagkalambigit sa pipila ka kontrobersiya sa pipila ka sakop sa pnp.
Butyag ni Police Lt. Gen. Michael John Dubria, deputy chief for operations sa PNP, wala nila gi-tolerate ang unsa mang hiwi nga binuhatan sa mga sakop. Naa si Dubria sa Police Regional Office (PRO) 12 sa GenSan isip guest speaker sa kasaulogan sa Police service anniversary.
Sa bahin usab ni Police Brig. Gen. Jimili Macaraeg, regional director sa PRO-12, gikan paglingkod niya nakalabay’ng tuig.
Misaka na sa unom ka pulis ang nataktak sa serbisyo, dunay mga na-demote, nasuspenso tungod sa nagkadaiyang salaud. Samtang, pipila usab ka pulis ug unit sa PRO-12 ang nakaangkon og pasidungog sa gihatag nga maayong serbisyo publiko. I Richel Gubalani
