Nakita mismo ni kanhing Mindanao Development Authority kun MinDA chair Luwalhati Antonino ang integridad ug maayong katuyuan ni General Santos City Chamber of Commerce president, Brigada Idol Elmer V. Catulpos alang sa ikalambo sa siyudad.
Kini ang pahayag ni kanhi MinDA chair Antonino atol sa interview kaniya ni Atty. Froebel Kan Balleque sa programang Tira Brigada.
Mismong siya ang miindorso sa political powerhouse nga mga Antonino ug partidong Achievement with Integrity Movement kun AIM sa kandidatura ni Idol Elmer alang sa 2022 mayoralty race.
Matud niini, gawas sa integridad, duna usab kasing-kasing si Idol Elmer Catulpos nga motabang sa katawhan.
Usa sa mga gitumbok sa former MinDA exec, importante ang pagpili og bag-ong lider nga dunay pangandoy sa pagpalambo sa siyudad kung asa walay laing tumong kundili ang makatabang sa katawhan sa dakbayan.
