MISAKA na sa 84% barangay sa rehiyon-12 ang gisirtipikahang unaffected, drug free ug cleared. Sa ulahing datus sa Philippine Drug Enforcement Agency (Pdea) naa na sa 1,158 barangay sa Soccsksargen ang nadeklara nang drug cleared areas.
Matud ni Kath Abad, tigpamaba sa PDEA-12 dunay unaffected nga 13 ka barangay nga kinahanglang sertipikahan nga unaffected o drug free samtang dunay 10 ang nasertipikahan na.
Ang maong barangay bag-o pa man gideklara ang miagi sa hugot nga balidasyon kalabut sa illegal drugs statues ug compliance to the requirements ilawom sa government’s drug clearing program.
Base sa probisyon sa Dangerous Drugs Board Regulation nga gipagula atong 2017, required ang barangay councils nga mosumite og dokumento alang sa revalidation tulo ka bulan human ang deklarasyon isip drug-cleared. ( Richel Gubalani)
