LEGAZPI CITY – Tinawan-duon kan Committee on Health and Sanitation Chairman kan Sangguniang Panlunsod kan Legazpi City na si Coun. Alexander Jao na intact an insentibong itatao sa mga barangay health workers sa syudad en kaso maipasar na an saiyang ordinansa na pigbubusol ngunyan.
Sa intrevista kan Brigada News FM Legazpi kay Jao, pigsabi niya na an insentibong ini, dai na pwedesir bawasan alagad pwedesir pang madugangan.
Draft palang su boot an ordinansang ini huli ta dai pa ini deretsong naaaprubaran.
Segun kay Jao, pig-aadalan pa kan Local Finance Board kan syudad an mga probisyon orog na pag-abot sa pondo huli ta bako ini basta-basta asin dapat kinakaipuhan ki basehan hale sa Department of Budget and Management.
Mientrastanto, pigsabi man ni Jao na kaibahan pa sa mga probisyon kan ordinansa an insurance asin benefits kan BHW.
Sa ngunyan, nagpupuon na sinda nin computation asin pag-aadal ta labi sa 400 na mga BHW an nasa syudad.
