Wala pa umanong rekomendasyon ang Infectious Diseases Specialists Society na kinakailangan na ang booster shot ng COVID-19 vaccine.
Ito ang kinumpirma ni Dr. JC Valencia, ang infectious specialist ng Cagayan Valley Medical Center.
Aniya, bagaman mayroong pagbaba sa level ng antibodies pagdating ng anim na buwan ay nananatili pa rin umano ang bisa ng bakuna.
Ayon kay Dr. Valencia, dapat ireserba ang mga bakuna lalo na sa mga hindi pa nakakatanggap nito para sa dobleng proteksyon.
Dahil batay aniya sa datos ng CVMC, napag-alaman na pawang mga unvaccinated ang mga tinamaan ng covid-19 na nasa severe at kritikal ang kondisyon ngunit ang mga asymptomatic at mild cases ay bakunado na.
