Kinokonsidera na ng PBA na maibalik sa conferences nito ang mga import na manlalaro.
Sinabi ni PBA chairman Ricky Vargas, na bukod sa pagpapalaro ng imports sa semi-bubbly set-up ay binabalak rin nila na mapayagan ang live na panunuod ng mga laro.
Ayon kay Vargas, hihilingin nila ang permiso ng iba’t-ibang ahensya ng gobyerno para maibalik ang imports.
Mababatid na ang National Capital Region, na target venue para sa mga laro, ay kasalukuyang nasa Alert Level 3 hanggang November 14.
Sa ilalim ng nasabing klasipikasyon ay pinapayagan ang contact sports sa ilalim ng bubble-type setup alinsunod sa guidelines na inadopt ng Inter-Agency Task Force for the Management of Infectious Disease, Philippine Sports Commission, Games and Amusement Board at aprubado ng local government unit.
