NAGLUSAD na og imbestigasyon ang kapulisan kalabut sa ulahing insidente sa pagpanulis sa GenSan. Matud ni PMajor Wesley Matillano, hepe sa Pendatun Police Station walay CCTV sa Red ribbon sa Daproza Street, Barangay Dadiangas West. Rason sa paghangyo nila sa mga kasigbit nga establisimento nga hatagan sila og kopya sa CCTV.
Kini sa pamasin nga makakita ang mihimo sa pagpanulis sa bakeshop nga miresulta sa pagkatangag sa P50,000 nga halin. Naglaom si Matillano nga dako og matabang sa imbestigasyon nila ugaling mahatagan sila og kopya. Kahibaloan alas-7:16 Martes sa gabii, gitulis sa duha ka armadong lalaki ang staff sa bakeshop samtang pasakay na kini og traysikel.
Human nga makuha ang salapi gikan sa staff, gilayong misibat sa lugar ang tulisan sakay sa motorsiklo (bajaj) kolor pula nga walay plaka. Ang lugar asa nahitabo ang pagpanulis ang pipila lang ka metro gikan sa nasangpit nga presinto.
Una nang, gibutyag ni PLt.Col. Aldrin Gonzales, tigpamaba sa GenSan City Police Office (GSCPO) nga subling gitun-an ang ilang deployment. Apan luyo niini, giangkon sa opisyal nga kulang ang ilang mga personahe tandi sa kinatibuk-ang populasyon sa GenSan. I Rich Gubalani
