POSIBLENG matanggal isip benepisyaryo sa Pantawid Pamilyang Pilipino Program (4Ps) sa Soccsksargen region. Kini dungan sa nagpadayong ‘validation’ sa mga sakop sa Department of Social Welfare and Development (DSWD-12).
Sa ulahing datus sa ahensiya, mokabat sa 31,000 pamilya ang posibleng ma-delist o matanggal sa listahan isip benepisyaryo sa programa. Tumong sa gihimong pagtuki sa listahan ang aron masigurong kwalipikado ang mga benepisyaryo sa programa sa gobyerno. Matud ni Restituto Macuto, regional director sa DSWD-12 posibleng madungagan pa ang ihap sa posibleng matangtang.
Gitan-aw nila kung migradwar na ang mga anak sa mga benepisyaryo ug tan-awon kung maayo na ang kinabuhi. Ang tumong sa paglimpyo sa listahan ang aron makasulod na usab ang ubang pamilya nga kwalipikado sa programang pinansyal.
Samtang, padayon ang imbestigasyon sa ahensiya sa mga taho nga dunay benepisyaryo nga nagprenda sa ilang mga cash card. Miapela si Macuto ngadto sa mga benepisyaryo nga ibutang sa sakto ang tabang pinansyal nga gihatag sa gobyerno ilawom sa 4Ps. I Rich Gubalani
