Arnel Callet
ILOG, Negros Occidental — Opisyal na nga ginbuksan sang lokal nga panguluhan sang Ilog ang labing una sini nga park sa Barangay 1, sang Oktubre 4, 2024.
Ang ini nga parke nga ginpangalanan nga ‘Ilog Park’ nga na-desenyo agud e-promote ang health and wellness sang mga pumuluyo sa nasambit nga banwa.
Pahayag ni First Lady sang banwa nga si Joyce M. Alvarez, ang pagbukas sang park ang mangin lugar sa mga taga Ilog nga maka-ehersisyo kag makalagaw.
“Para ini tanan sa mga Ilognon nga may ara man sila lagawan diri sa banwa sang Ilog, indi lang ara sa sulod sang balay, [kundi] maka exercise kag maka paminsar man sila sang maayo,” suno kay Alvarez.
Nagpahanumdum man ini nga halungan ang lugar para magdugay kag mapuslan sang tanan nga mga Ilognon.
Sa karun, may yara pa sang may ginatapos sa lugar kag ini ang gina-lantaw nga mangin isa sa mga sikat ka kaladtuan sa banwa.
Gin-saksihan ang ribbon cutting ceremony sang mga opisyales sang banwa, kag ni Negros Occidental Tourism Officer Cheryl Decena. -BNFM Kabankalan
