Ginpatigayon ang ika-siyam nga SSS RACE ukon “Run After Contributions Evader” sa banwa kang Belison kag Sibalom kang tinalikdan nga Hunyo 6, 2024.
Anum tanan ka mga establisyemento ang ginbista kang SSS RACE Team nga ginapangunahan ni Atty. Bernardo Dofitas, Vice President for Visayas West ll Division kaimaw si Mr. Philip Lucero, Branch Head kang SSS Antique. Nangin matawhay ang operasyon bangud sa kooperayson man kang natungdan kag sa positibo nga sabat nga andang balikdon ang katungdanan sa andang mga empleyado.
Pinaagi sa RACE Operation, ginabisita ang mga establisyemento agud matukiban ang estado kang tagsa ka empleyado kag lakip man nga mapaathag sa employer ang andang obligasyon.
