POSIBLENG matigayon na usab ang ika-4 nga hugna sa Libreng Sakay base sa nahisgutan sa gihimong strategic conference sa mga transport group ug national government. Sumala pa ni Robert Cang, ang presidente sa Public Transport Alliance of Gensan kon PTAG nga posibleng ipahigayon kini sa 2nd quarter sa 2022 o sa 2023.
Dugang pa niini nga wala pa nahurot ang budget nga alang sa Libreng Sakay sa kasamtangang tuig 2022 apan wala pa mahisgutan kung pila ang mamahimong budget sa Phase 4 sa Libreng Sakay.
Kahibaloang ang kasamtangang implementasyon sa Libreng Sakay ang mahuman na karong petsa 15 ning bulan sa Hunyo.
Una nang nagpagawas og sentimyento ang mga tricycle drivers kalabutan sa maong programa tungod sa naapektohan ang ilang panginabuhian. Apan pabor usab kining maong programa alang sa mga mananakay.
Kahinumdumang tungod sa walay puas nga pagtaas sa presyo sa produktong petrolyo ug pagtaas sa presyo sa palaliton, namugna sa national government ang maong programa. I MJ Fernandez
