SUBLING giawhag sa kapulisan ang pagbalik sa sabakan sa gobyerno sa nabiling miyembro sa New People’s Army (NPA) ug ubang terror group. Kini aron matabangan sa gobyerno nga makaangkon og bag-o ug normal nga kinabuhi human sa pakigbisog.
Matud ni PBGen. Alexander Tagum, director sa Police Regional Office (PRO) 12 andam silang motabang sa pagbalik sa mga nasangpit sa gobyerno. Ang pamahayag ni Tagum ang dungan sa serye sa pagsurender sa sakop sa NPA ug miyembro sa terror group gikan sa nagkadaiyang bahin sa rehiyon.
Dugang sa opisyal, daghan og programa ang gobyerno aron matabangan silang mabag-o ug mahimong produktibo sa komunidad. Una nang, gimandu ni Pangulong Rodrigo Duterte sa pamahayag niini atong Enero ning tuiga. Kung buot mosurender sa mga nasangpit kauban ilang armas, hatagan sila og balay, temporaryong trabaho nga dunay sweldo. I Richel Gubalani
