MIKANAOG ihap sa insidente sa pagpamusil sa siyudad, base sa rekord sa General Santos City Police Office (GSCPO).
Sa presentasyon ni PCol. Gilberto Tuzon, director sa GSCPO atol sa pag-atubang niini sa sesyon sa Sangguniang Panlungsod (SP) gikan sa 68 ka insidente nga natala atong Setyembre 16, 2019- July 11, 2020 nakarekord karon og 52 ang kapulisan sa susamang panahon.
Misaka usab ang ihap sa naresolba nga krimen gikan sa upat atong nakalabay’ng tuig, karon nasolusyonan na ang 11 ka insidente. Mitaas usab sa 3.40% ang nahimong crime solution sa kapulisan tandi nakalabay’ng tuig nga naa lang sa 2.29%.
Dugang ni Tuzon, minaog usab sa 19 ang narekord sa “8 focus crime’ sama sa pagpatay, homicide, pagpanglugos, karnap ug uban pa. Pipila ka presinto sama Makar, Pendatun, San Isidro, Tambler, Fatima ang nakitaan og pagkanaog sa natalang krimen.
Ang maong mga presinto ang nag-unang mga police precinct nga dunay labing lapad nga area of responsibility. Samtang, gisiguro ni Tuzon nga hugot ang gihimo nilang pagbantay sa siyudad sama sa pagdugang og sakop sa mga kadalanan. Aron masiguro nga malikayan ang pagkatala sa mga krimen sama sa pagpamusil.
Subling nabutang sa ‘hot seat’ ang GSCPO dungan sa serye sa kamatay sa GenSan asa atong Biyernes duha ka insdiente sa pagpamusil ang nahitabo asa 30 minutos gintang. ( Richel Gubalani)
