Katawhan nasubo sa pagpanaw sa kanhi appointed mayor sa GenSan

NAGPAABOT og pahisubo ang katawhan sa pamilya Lagare gumikan sa pagpanaw ni kanhi Appointed City Mayor ug City Councilor Atty Dominador Lagare Sr., Hulyo 12 sa kasamtangan nga tuig.

Sumala sa usa ka publisher ug kauban ni Lagare sa pakigbisog ug sa Konsensya Movement nga si Maning Malinao nga nakuratan ug nasubo siya sa kamatayon ni Lagare.

Sa iyang pagkaila kay Lagare, straight nga opisyal ug wala nalambigit sa unsa mang kurapsyon sa  panggoberno hangtod nga nahulipan ni Nuñez.

Nasubo usab si kanhi Punong Barangay Cesar Vargas kay daku kayo ang iyang pagtahud ug pagkabilib sa agi ni Lagare, sa iyang pagkaila fighter kaayo si Atty. Dominador Lagare sa panahon ni Marcos, unya fighter usab sa konseho, nagapanalipod sa katungod sa katawhan.

Alang kay Vargas murag walay nakasundog sa istilo ni Lagare, abugado man ang mga anak apan mas nagasaludo kini sa amahan mao nga dili siya makalimot sa mao nga abugado ug opisyal sa syudad.

Kahibaluan nga kaniadtong Marso 3, 2020 gipasidunggan sa konseho si Atty. Lagare gumikan sa iyang nahimo sa syudad.

Gani naka-wheelchair kini sa pagdawat sa iyang plaque gumikan nakasinati og stroke.

Si Lagare, nahimong miyembro sa ika 9^th,11th,12^th ug 4^th City Council sa GenSan ug appointed Mayor human sa Edsa Revolution. ( Ever Diazon)

BNFM Gensan