POSIBLENG gidani na sa New People’s Army (NPA) ang walo ka indibidwal nga na-missing gikan atong unang semana sa Abril. Kini ang gibutyag ni PCol. Gilberto Tuzon, director sa GenSan City Police Office (GSCPO) human gipangutana sa ‘update’ sa kaso.
Matud ni Tuzon, gikonsidera nila ang posibilidad tungod padayon ang gihimong recruitment sa grupo human sa sunod-sunod nga pagtahan sa gobyerno sa ilang mga miyembro.
Padayon ang ilang gihimong imbestigasyon partikular na ang gimugna nga ‘tracker team’ aron mangeta sa mga batan-on. Apan giangkon nga hangtud sa kasamtangan wala sila’y bag-ong impormasyon kalabut sa gikahimutangan sa mga missing.
Dugang sa opisyal, unang nadawat nila nga taho nga walo katao ang nawala apan nasayran nga ang usa ang nasikop sa Philippine Drug Enforcement Agency (PDEA) 12 pinaagi sa drug buy bust operation. Kahibaloan nga sagad sa walo ang mga batan-on og usa niini ang babaye. ( Richel Gubalani)
