PAKYAS makasulod sa usa ka mall sa GenSan ang 30 katao human pakyas makapresenta sa ilang vaccination card. Matud ni Ellen, taga Barangay Mabuhay, mosumite unta kini og rekisitos sa Professional Regulation Commission (PRC) sulod sa mall.
Apan nakurat siya dihang gipangetaan siya og vaccination card ug dihang walay gipakita sa gwardiya wala siya gitugotang makasulod. “Schedule man gud nako karon sa PRC, wala ko kabalo nga engon ana diay (no vacc, no entry) natimingan ko, ang vaccine man gud dili ko pede magpa-vaccine kay naa koy gibati,”asoy ni Ellen.
Samtang wala usab nahimo ang usa ka senior citizen nga wala pay bakuna dihang wala gihapon kini gitugotang makasulod. Kahibaloan human gipailawom ang GenSan sa alert level 3 tungod sa pagsaka sa kaso sa Covid-19.
Nagpagawas ang LGU og executive order (EO) 1 series of 2022 nga nagmandu sa mga establisimento nga ipatuman ang no vaccination card, no entry. I Richel Gubalani
