Arestado ru sangka gina kabig it mga pulis nga High Value Individual (HVI) ag sangka job-order it Banga matapos madakpan sa drg buy bust operation sa likod mismo it simbahan it Banga.
Sa report, nakilaea ru subject person nga si Ariel Inolino, 38 anyos ag residente it Brgy. Pob Banga, Aklan.
Na recover sa operasyon ru 6 ka sachet it suspected shabu ag dugang nga 2 sachet it suspected shabu sa gin himo nga body search nga kunsiin, nagpa-eagas pa sigun ru subject person sa mga personnel it Provincial Drug Enforcement Unit (PDEU).
Naga balor it P2k nga buy bust money ru nabuoe man sa subject person.
Nasayuran nga gina supply ni Inolino ru suspected shabu sa Banga, Kalibo, Lezo ag New Washington halin sa Iloilo.
Kulong sa makaron si Inolilo sa Banga MPS ag may posibilidad nga maga pangatubang it naga kaigo nga kaso.//MARIVIC Y. ILIN
