NAGA CITY- Maluwag man ang travel restrictions nakaalerto naman ang Highway Patrol Group sa Camarines Sur.
Ito ang ibinahagi sa Brigada News FM Naga ni PMaj. Norlito Escota ng HPG. Aniya hindi nawawala ang random checkpoints. Mayroon pang Lakbay Alalay ngayong papalapit na ang Semana Santa at marami rin ang mga biyahero patungo sa mga dinarayong beach resorts.
Malaking hamon din para sa HPG na pagsabayin ang pagpagpapatupad ng mga guidelines ng Inter Agency Task Force upang maiwasan ang pagkalat ng virus , magmonitor sa mga pakay ng sasakyan sa lalawigan at pagpapanatili ng kapayapaan ngayong Election Period.
