Nakiusap ang Private Hospitals Association Philippines (PHAPI) sa gobyerno na maghintay ng karagdagang dalawang linggo at i-monitor ang trend ng COVID-19 cases bago i-deescalate ang National Capital Region sa Alert Level 1.
Sinabi ni PHAPI Jose de Grano na posibleng magpabaya ang mga tao sa minimum health standards oras na lumipat ang NCR sa pinakamababang alert level.
Gayunman, sinabi ni de Grano na susunod naman sila sa kahit anong maging desisyon ng Inter Agency Task Force (IATF).
Iginiit naman ni de Grano na nag-aalala ang hospital groups na posibleng magkaroon ng surge ng COVID-19 cases, lalo na at panahon ng pangangampanya ngayon para sa eleksyon.
Matatandaan na pinaboran ng mga alkalde ng National Capital Region ang rekomendasyon na ma-deescalate ang status ng rehiyon sa Alert Level 1 mula sa Alert Level 2 simula March 1, 2022.
