KALIBO, AKLAN—Gin-umpisahan eon sa banwa it Kalibo, Aklan do pagpatigayon it “home-bound vaccination”.
Suno sa LGU Kalibo, ginpakamayad nga agtunan mismo it mga doktor, nurses at healthcare workers sa andang tagsa-tagsang baeay do mga residenteng nabudlayan magpadueong sa vaccination site agud nga magpabakuna.
Kaabuan man sa mga nahaagtunan hay do mga magueang nga may ginabatyag nga sakit at nabudlayan magtikang.
Samtang, ginlaygayan man it Municipal Health Office-Kalibo do mga gustong magpabakuna apang nalisdan ang mag-agto sa vaccination sites nga puwede sandang makipag-angot sa andang mga Barangay Health Worker nga assign sa andang lugar at puwede man nga magtawag sa RHU 1 (262 1741) ag sa RHU 2 (268 4487). // SHERRY ANNE REUNIR-VIDAL
