IPATAWAG karong adlawa sa sesyon sa konseho ang usa ka pulis aron sayron ang sitwasyon sa Princes Arian rape-slay case. Kini ang unod sa mensahe nga gipadala ni Police Major Robert Fores, hepe sa Mabuhay Police Station sa media.
Matud ni Fores, tumong sa pagpatawag kaniya atol sa sesyon ang aron masuta ang labing bag-ong impormasyon kalabut sa kaso. Una nang, gibutyag ni Fores nga human sa kapin bulan na gikan mangilngig nga krimen atong Marso 13. Wala pa sila’y napasaka nga kaso sa piskalya batok sa mihimo sa krimen ngadto sa 7-anyos nga si Princess Arian.
Tungod gihulat pa nila ang resulta sa DNA testing ug luminal testing nga gipadala pa sa forensic unit sa PNP sa Davao City. Giklaro ni Fores nga dako og mahimong tabang ang resulta sa eksaminasyon sa pagpahugot sa ipasakang kaso batok sa mihimo sa krimen.
Kahibaloan nga tulo ka tao ang gikonsidera sa kapulisan nga Person of Interest (POI) sa pagkamatay sa bata, asa ang 74-anyos nga usa sa POI ang nagkutlo na sa kaugalingong kinabuhi. I Richel Gubalani
