GISURENDER sa otoridad sa gikaengong kanhi miyembro sa Local Terror Group (LTG) ang usa ka armas. Boluntaryong gitahan ni alyas Odyok, taga Barangay San Jose, GenSan ang .38 revolver nga armas ug tulo ka bala. Sa karon, gikostudiya na sa kapulisan ang armas nga gisurender ni alyas Odyok.
Una nang, gibutyag ni Police Brig. Gen. Percival Augustus Placer, director sa Police Regional Office (PRO) 12 nga pakusgan sa kapulisan ang kampanya batok loose firearms.
Tumong ang makonhuran ang krimen nga sagad gamit ang pusil sama sa mga insidente sa pagpamusil-patay. Sa ulahing pamahayag ni Col. Nicomedes Olaivar Jr., director sa GenSan City Police Office (GSCPO) ubay- ubay na usab nga armas nga walay igong lisensiya ang ilang naimbargo sa mga operasyon. Duna usab mga armas nga gideposit kanila human napaso ang mga dokumento. I Richel Gubalani
