Ginpahayag it Philippine Army nga ‘old-school issue’ ro natabo nga mga isolated case it hazing ag indi dapat raya gamiton agud hadlangan ro pagpatuman it mandatory Reserve Officers’ Training Corps (ROTC) sa mga eskwelahan.
Base pa sa 3rd Infantry Division it Philippine Army, mas ginatutukan makara it mga ROTC officers ro training ag briefing sa mga estudyante kapin pa sa importansiya it disiplina sa kaugalingon ag patriotismo.
Dugang pa nanda, impoartante ro ROTC training bangud enkaso nga may matabo nga pagpanakop o insurgency, may reserve forces ro Pilipinas.
Matandaan nga naguwa sa Pulse Asia survey nga 69% it mga Pinoy hay pabor sa ROTC program para sa mga estudyante sa Grades 11 ag 12. /JIL B. LACSON
