BNFM BICOL – Inilarawan ng Commission on Election o COMELEC-Bicol na naging ‘matahimik at mabilis’ ang resulta ng katatapos lamang na National and Local Election sa rehiyon.
Sa panayam ng Brigada News FM-Bicol kay Regional Director Atty. Maria Juana Valeza ng nasabing ahensya, inilarawan nito na matagumpay ang Halalan ngayong taon dahil wala namang naitalang Election Related Incidents lalong-lalo na sa mga lugar na nasa ilalim ng ‘red category’.
Dagdag pa ng opisyal, ito ang kauna-unahang Halalan sa rehiyon na naging tahimik kumpara ng mga nagdaang botohan.
Naging mabilis rin umano ang Halalan dahil hindi na umabot pa ng isang linggo ang bilangan o resulta na inaasahang matatapos sa loob ng dalawang hanggang tatlong araw sakabila ng mga kaliwa’t-kanang aberya ng mga VCM at pag glitch ng mga SD cards sa halos lahat ng probinsya sa rehiyon.
Samantala, nakahanda naman ang ahensya sa mga posibleng reklamo at sanay na rin umano sila sa paulit-ulit na naririnig na umano’y dayaan sa araw mismo ng eleksyon.###
