BNFM BICOL— Nananatili sa 430 ang aktibong kaso ng COVID-19 sa Bicol Region batay sa pinakahuling datus na inilabas ng Department of Health-Bicol.
Sa weekly report ng ahensya as of May 1 hanggang May 7, 2022, umabot sa apat ang mga naitalang bagong kaso ng sakit sa rehiyon na pawang mula sa bayan ng Lagonoy, Camarines Sur.
Bunsod nito, sumampa na sa 59,091 ang bilang ng mga naitalang kaso ng COVID-19 sa Kabikolan kung saan 56,094 sa mga ito ang nakarekober matapos madagdagan ng 31 bagong gumaling.
Nasa 66 naman ang mga bagong naitalang nasawi kung saan 32 nito ang mula sa Camarines Sur habang 34 naman ang mula sa Masbate. ###
