Presente nga gindihon ro hagna nga magtukod it Aklan Airport Authority (AAA) nga magapamuno sa Godofredo P. Ramos Airport sa Boracay Airport sa Malay, Aklan ag Kalibo International Airport.
Ro AAA hay magiging sambilog ka attached agency it Department of Transportation.
Base sa nagdihon it hagna nga si Cong. Teodorico Haresco Jr. it 2nd District ng Aklan, ro mga pasilidad it airport sa Aklan hay dapat pa nga i-improve agud makatao it manami nga serbisyo sa mga turista nga nagabisita sa probinsiya.
Dugang pa nana, ro mas maabong turista nga nagabista sa probinsiya hay nagakahulugan man it mas maabong kita, mas manami nga ekonomiya ag mas maabo nga trabaho ag pinansyal nga oportunidad para sa Aklan./JIL B. LACSON
